Halloween Costume ideas 2015

A News portal by Websoft IT Nepal Pvt. ltd.

PLEASE BOOKMARK US BY PRESS CTRL+D बूक्मार्क गर्न CTRL+D थिच्नुहोस् 

सीमा निर्धारण गर्न आयोग गठन

काठमाडौँ, चैत्र २ गते । सरकारले नयाँ संविधान अनुसार गाउँपालिका, नगरपालिका, संरक्षित र विशेष स्वायत्त्त क्षेत्रको संख्या र सीमा निर्धारण गर्न आयोग गठन गरेको छ । सोमबार राति बसेको मन्त्रिपरिषद्को बैठकले पूर्व सचिव बालानन्द पौडेलको संयोजकत्वमा उक्त आयोग गठन गरेको हो ।

tkn50

आयोग सदस्यमा श्याम भूर्तेल, डोरमणि पौडेल, डा. माधव अधिकारी, पवित्रा श्रेष्ठ सुब्बा, सुनीलरन्जन सिंह, धीरज शाहलाई तोकिएको छ ।

सरकारले एक जना सदस्य भने नियुक्त गर्न बाँकी रहेको सरकारका प्रवक्ता शेरधन राईले जानकारी दिए ।  उनका अनुसार आयोगको सदस्य सचिवमा भने नेपाल सरकारका एकजना सहसचिव रहने छन् । उनले भने, 'तर कसलाई राख्ने भन्ने अन्तिम टुंगो भने लगाइसकिएको छैन ।'

नयाँ संविधानले ६ महिना भित्र यस्तो आयोग गठन गरिसक्ने प्रावधान राखेको थियो । उक्त प्रावधान अनुसार नै यो आयोग गठन भएको हो । संविधानको धारा २९५ उपधारा ३ मा ‘गाउँपालिका, नगरपालिका तथा विशेष, संरक्षित वा स्वायत्त क्षेत्रको संख्या र सिमाना निर्धारण गर्नका लागि नेपाल सरकारले एक आयोग गठन गर्ने’ उल्लेख छ । आयोगले मापदण्डका आधारमा गाउँपालिका, नगरपालिका तथा विशेष, संरक्षित वा स्वायत्त क्षेत्रको संख्या र सिमाना निर्धारण गर्नेछ ।

संविधान जारी भएको ६ महिना आज पुग्दै छ ।

आयोगले सिफारिश गरेको आधारमा अब गाविसहरु गाउँपालिका, नगरपालिका, संरक्षित र विशेष स्वायत्त्त क्षेत्रको सीमा फेरबदल हुन सक्नेछ ।

यसैगरी मन्त्रिपरिषद बैठकले प्रधानमन्त्री केपी ओलीको चीन भ्रमणलाई अनुमोदन गरेको छ । प्रधानमन्त्री चैत ७ देखि १४ गतेसम्म चीन भ्रमणमा जाँदै छन् ।

 
Labels:

Post a Comment

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget