रेग्मिद्धारा पराजित सञ्चारमन्त्री

विराटनगर २४ माघ । सर्वोच्च अदालतले राष्ट्रिय समाचार समितिको वोर्ड सदस्य पदमा पत्रकार शेखर रेग्मीलाई पूर्ववतरुपमा काममा फर्काउन सञ्चार मन्त्रालयको नाममा परमादेश जारी गरेको छ ।

पत्रकार रेग्मीले आफुलाई २ बर्षे कार्यकाल नपुग्दै राष्ट्रिय समाचार समितिको संचालक पदमा अरु सदस्यलाई मनोनय गरेको भन्दै सर्वोच्च अदालतमा यही माघ १७ गते अन्तरिम आदेश जारी पाऊ भनि मुद्धा दायर गरेका थिए । सर्वोच्च अदालतका न्यायधिश दिपक राज जोशीको एकल ईजलासले रेग्मीलाई पूर्ववतरुपमा काममा फर्काई नयाँ निर्णय कार्यान्वय नगर्नू भनि संचार मन्त्रालयको नाममा परमादेश जारी गरेको हो ।

सञ्चार मन्त्रालयले मोरङका नरेन्द्र दाहाल र भोजपुरका जयवहादुर राई सदस्यमा मनोनयन गरेको थियो । सूचना तथा सञ्चार मन्त्री शेरधन राईले यही माघ १० गते रेग्मीलाई वर्खास्त गरेका हुन ।
मन्त्रालयले ०७१ कार्तिक १९ गते विराटनगरका पत्रकार शेखर रेग्मी र पोखराका पत्रकार गंगाधार पराजुलीलाई संचालक समितिको सदस्यमा मनोनयन गरेको थियो । पोखराका पत्रकार पराजुलीले माघ २४ गते सर्वोच्च अदालतमा अन्तरिम आदेशको माग गर्दै मुद्धा दर्ता गराईसकेका छन ।