नेता बिजुक्छे निवासमा आज भएको भेटघाटमा शनिबार हुने उपराष्ट्रपतिको निर्वाचनमा पुनलाई सहयोग गर्न बिजुक्छेलाई उहाँहरुले आग्रह गर्नुभएको हो । भेटपछि प्रधानमन्त्री केपी शर्मा ओलीले बिजुक्छेले पुनलाई सघाउने बचन दिनुभएको बताउनुभयो ।
उपराष्ट्रपति निर्वाचनमा पुनलाई सहयोग गर्नेबारेमा नेता बिजुक्छे सकारात्मक भएको छलफलमा सहभागी एमाओवादीका उपाध्यक्ष नारायणकाजी श्रेष्ठले बताउनुभयो । नेता श्रेष्ठले अर्काे प्रसङ्गमा भन्नुभयो “मुलुकमा जारी इन्धनको समयमा केही दिनभित्रमा हल हुन्छ, त्यसका लागि चीनसँग पेट्रोलियम पदार्थ ल्याउने सहमति भएको हो ।”
सञ्चारकर्मीसँग कुरा गर्दै नेता श्रेष्ठले चीनको सहयोगमा केरुङ हुँदै इन्धन आउन सुरु भएकाले इन्धनको अभाव छिट्टै अन्त्य हुने बताउनुभयो । उहाँले छिमेकी देश भारतसँग मात्र भर परेर इन्धन आपूर्ति गरिएकाले अहिलेको नाकाबन्दीमा दुःख पाइएको बताउँदै अब अर्को छिमेकी देश चीनको स्वामित्वमा रहेको पेट्रो चाइनासँग सम्झौता भएकाले इन्धन समस्या अन्त्य हुने छ भन्नुभयो ।
नेता बिजुक्छेले भने आफ्नो पार्टीमा छलफल गरेर मात्र उपराष्ट्रपतिका बारे निर्णय लिइने बताउँदै विगतमा भएको सहमति सत्तारुढ दलले कार्यान्वयन गर्ने प्रतिबद्धता जनाए मात्र सहयोग गर्ने गरिने स्पष्ट गर्नुभयो ।
नेता बिजुक्छेले सरकारले इन्धन समस्या समाधान गर्नुपर्ने र उपराष्ट्रपति आफ्नो पदीय जिम्मेवारी निर्वाहका लागि प्रतिबद्व हुनुपर्ने सर्त अघि सारिएको बताउनुभयो । छलफलमा नेमकिपाका सचिव सुनिल प्रजापति र सांसद प्रेम सुवालको सहभागिता थियो ।
Post a Comment