विराटनगर साउन २७। थारु संयुक्त संघर्ष समितिले तराईका २२ जिल्लामा आह्वान गरेको आमहडतालको विराटनगरमा समान्य प्रभाव परेको छ ।
आज विहान सडकमा पातलोरुपमा सवारी साधन गुडेपनि दिउँसोदेखि भने निर्वाधरुपमा सवारी साधानहरु सञ्चालन भइरहेका छन् । यस्तै अधिकांश बजार–पसल समेत खुलेका छन् । शैक्षिक संस्था र कलकारखाना पनि निर्वाधरुपमा सञ्चालन भएका छन् ।
विराटनगरमा आज विहान भने थारु संघर्ष समितिका कार्यकर्ताले सडकमा गुडेका सवारी साधन र पसलहरु बन्द गर्न लगाएका थिए । तर दिउँसोदेखि भने बाक्लैरुपमा सवारी साधन गुडिरहेका छन् । मध्य तथा सुदुरश्चिममा भने बन्दको निकै प्रभाव परेको छ । मध्य तथा सुदुरपश्चिमका अधिकांश स्थानमा भने यातायात तथा बराज–पसल बन्द भएका छन् । थारु कल्याणकारिणी सभाको संयोजनमा रहेको थारु संयुक्त संघर्ष समितिले कञ्चनपुरदेखि चितवनसम्म थारु प्रदेश हुनुपर्ने मागसहित तराईका २२ जिल्लामा आमहडतालको घोषणा गरेको हो ।
Post a Comment