श्रीनगर ८ साउन । भारत अधिनस्थ काश्मिरमा सीमा नियन्त्रण रेखा नजिकै भएको भीषण गोालाबारीमा दुई जना हतियारधारी आतङ्ककारी मारिएको बताइएको छ ।
साथै अन्य दुई भारतीय सैनिक घाइते भएका छन् उक्त जानकारी अधिकारीहरुले शुक्रबार दिएका छन् । श्रीनगर जिल्लाबाट १५२ किलोमिटर उत्तरपश्चिममा कुप्वारा जिल्लाका ताङ्गघार क्षेत्रमा सो गोलावारी सुरु भएको जनाइएको छ ।
ताङ्गघारका सीमा नियन्त्रण रेखामा रातभारी भएको झडपमा दुई आतङ्ककारी मारिएका श्रीनगरसँग आवद्ध भारतीय सैनिक प्रवक्ताले बतनउनुभएको छ ।
आतङ्ककारीसँग जारी सो झडपको क्रममा सेनाका दुई सदस्य घाइते भएका पनि प्रवक्ताले जानकारी दिनु भएको छ ।
सञ्चारमाध्यमहरुका अनुसार बुधबारबाट सुरु भएको दोहोरो गोली हानाहानमा बिहीबार अबेर रातिसम्म जारी रहेको जनाइएको छ ।
गोलाबारीमा मारिएका ती आतङ्ककारीहरुको परिचय भने खुल्न नसकेको जनाइएको छ ।
Post a Comment