इराक र सिरियामा सक्रिय आइएसविरुद्ध अन्तर्राष्ट्रिय गठबन्धनले नौ महिनाअघि कारबाही सुरु गरेको थियो ।
अमेरिकी सहायक रक्षामन्त्री एन्टोनी ब्लिन्केनले आइएसले धेरै क्षति
ब्यहोरे पनि उनीहरु पुनः शक्तिशाली बन्न सक्ने चेतावनी दिए ।इराकमा आइएसविरुद्धको रणनीतिबारे पेरिसमा भएको छलफलपछि बोल्दै ब्लिन्केनले इराकको २५ प्रतिशत भू–भाग मात्र अहिले आइएसको नियन्त्रणमा रहेको दाबी गरे ।
मंगलबार मात्र इराकी प्रधानमन्त्री हैदर अल अबादीले आफ्नो सरकारलाई अझ धेरै सहयोग गर्न अन्तर्राष्ट्रिय गठनबन्धनलाई आग्रह गरेका थिए । उनले इराकी सैनिकलाई थप गुप्तचरी सूचना आवश्यक भएको समेत बताएका थिए । (एजेन्सी)
Post a Comment