काठमाडौँ, २८ असोज । नेपालीको महान पर्व शुरु भएसँगै जिल्लामा रहेका बैंकमा सेवाग्राहीको भीड लाग्न थालेको छ । दशैको लागि नयाँ नोट साट्नको लागि बैकमा सेवाग्राहीको भीड लागेको हो । बिभिन्न स्थानबाट आएका बृद्धबृद्धाहरु बृद्धाभत्ता लिनको लागि घण्टौ लाइनमा बस्नको लागि बाध्य भएका छन् ।
सरकारले बृद्धाभत्ता बैक मार्फतन् गर्न थालेपछि बृद्धबृद्धाहरुलाई बैकमा धाउनुपर्ने बाध्यता सिर्जना भएको हो । यस अघि प्रत्येक गाविसमा गाविस सचिवलेनै वितरण गदै आएका थिए । बैक मार्फत बृद्धाभत्ताको लागि सरकारले नीति ल्याए पछि बृद्धबृद्धाहरु घण्टौ लाइनमा बसी भत्ता लिन बाध्य भएका हुन् ।
त्यसैगरी सरकारी कर्मचारी पनि तलब भत्ताको लागि बैकमा लाइन लागेर घण्टौ र्एउटा चेक साट्नको लागि बस्नुपर्ने बाध्यता भएको छ भने दशैको लागि नयाँ नोट साट्नको लागि पनि सेवाग्राहीको भीड लाग्न थालेको हो । नेपाल सरकारले गत आर्थिक बर्षदेखि प्रत्येक बृद्धबृद्धा शिक्षक कर्मचारीहरुको व्यक्तिगत खाता खोल्न लगाई त्यसैमा पैसा जम्मा गरी झिक्ने व्यवस्था गरेको थियो ।
पहिले बृद्धबृद्धाहरुले गाउँ विकास समितिबाटै भत्ता लिने गर्थे । सदरमुकाममा बाणिज्य बैक, कृषि विकास बैंक सरकारी बैंकहरु छन् भने अन्य नीजि क्षेत्रका गरिमा, कैलास, एभरेष्ट, एनडिइपि, ग्लोबल आइएमइ, विश्वविकास, गण्डकी, काष्ठमण्डप बैंक लगायतका एक दर्जन जति बैक तथा विकास बैंकहरु पनि संचालनमा छन् ।
विद्यालयलाई शिक्षकको तलब अनिवार्य नेपाल बैंकमा खाता खोल्न लगाएर जम्मा गरिदिनुपर्ने, अन्य कर्मचारीको पेन्सन, कर्मचारी तलब समेत वितरण गर्ने जिम्मा बैंकले पाएको छ । जिम्मेवारी धेरै भए पनि नेपाल बैंकले सेवा चुस्त बनाउन चासो नदिएको सर्वसाधारणको गुनासो छ ।
Post a Comment