Halloween Costume ideas 2015

A News portal by Websoft IT Nepal Pvt. ltd.

PLEASE BOOKMARK US BY PRESS CTRL+D बूक्मार्क गर्न CTRL+D थिच्नुहोस् 

कार्यदलका सदस्य भन्छन्- हामीले खोजेजस्तो ११ प्रान्त प्राप्त हुने छाँटकाँट छैन

१७ साउन, काठमाडौं । माओवादी अध्यक्ष प्रचण्ड प्रधानमन्त्री बन्नुअघि मधेसी मोर्चासम्मिलित संघीय गठबन्धनसँग सहमतिको आधार तयार पार्न गठित कार्यदलका एक सदस्यले ठूलो लडाइँ नलडी आफूले खोजेजस्तो प्रान्त प्राप्त नहुने बताएका छन् ।Kumar Lingden Limbu
तीनदलीय कार्यदलमा संघीय गठबन्धनका तर्फबाट सदस्य बनेका लिम्बुवान नेता कुमार लिङदेनले सामाजिक सञ्जालबाटै सार्वजनिक प्रतिक्रिया दिँदै भनेका छन्- ‘मेरो तीतो अनुभव, हामी देशभरका आदिवासी दलित/शिल्पीहरु एकवद्ध भएर ठूलो लडाइँ नलडी हामीले खोजेजस्तो १०+१ प्रान्त प्राप्त हुने छाँटकाँट छैन ।’
आइतबार सिंहदरबारमा बसेको कार्यदलको बैठकबारे जानकारी दिँदै लिङदेनले भनेका छन्- ‘सबैले एकसरो बोलियो, वीचमा एकछिन प्रचण्ड पनि आउनुभयो र आफ्नो कुरा राख्नुभो । बोलेका कुराहरु यो छलफल नसिद्धिञ्जेल कसैले पनि बाहिर नबोल्ने आचारसंहिता बन्यो ।’
यस्तो छ कार्यदल
कांग्रेस, माओवादी र मधेसी मोर्चाको त्रिपक्षीय बैठकले यसैसाता ९ सदस्यीय कार्यदल बनाएको हो । माओवादी अध्यक्ष प्रचण्ड प्रधानमन्त्रीमा निर्वाचित हुनुअगावै मधेसी मोर्चासँग लिखित सम्झौता गर्ने उद्देश्यले यो कार्यदल बनाइएको हो ।
कार्यदलले सीमांकन लगायतका विषयमा सहमतिको आधारपत्र तयार पारेपछि कांग्रेस, माओवादी र संघीय गठबन्धनका नेताहरुले यसलाई हस्ताक्षरमार्फत औपचारिकता दिनेछन् ।
मधेसी मोर्चा र जनजाति पार्टीहरु सम्मिलित संघीय ठ्गठबन्धनले उठाएका मागहरुलाई सम्बोधन गर्नका लागि उपाय खोज्न बनेको कार्यदलमा कांग्रेसका तर्फबाट विमलेन्द्र निधी, कृष्णप्रसाद सिटौला र रमेश लेखक सदस्य छन् । त्यस्तै माओवादीका तर्फबाट कृष्णबहादुर महरा, गिरिराजमणि पोखरेल र वर्षमान पुन छन् भने संघीय गठबन्धनका तर्फबाट हृदयेश त्रिपाठी, राजेन्द्र श्रेष्ठ र कुमार लिङदेन सदस्य छन् ।
गठबन्धनभित्रै ‘ओभर ल्यापिङ’
प्रदेशहरुको सीमांकन लगातिका विषययमा सहमति खोज्न बनेको कार्यदलमा आन्दोलनकारी संघीय गठबन्धनभित्रै एकमत छैन । र, यसैको संकेतस्वरुप लिम्बुवान नेता लिङदेनले फेसबुकमार्फत आफ्नो असन्तुष्टि सार्वजनिक गरेका हुन् ।
जस्तो कि मधेसी मोर्चामा आवद्ध सबै दलहरु मोरङ र सुनसरीका केही भागलाई दुई नम्बर प्रदेशमा मिसाउनुपर्ने पक्षमा छन् । तर, गठबन्धनभित्रैको लिम्बुवान पार्टीले भने कोशी पूर्वका ९ जिल्ला लिम्बुवान अन्तरगत रहनुपर्ने माग गर्दै छुट्टै लिम्बुवान प्रदेशको माग गर्दै आएको छ ।
यो स्थितिमा झापा, मोरङ र सुनसरीको विषयलाई लिएर मधेसी दलहरु र कुमार लिङदेन नेतृत्वको लिम्बुवान पार्टीकै वीचमा अन्तरविरोध छ । लिङदेनले ९ जिल्लाको लिम्वुवान प्रान्त हुनुपर्ने माग नछाड्ने संकेत दिइसकेका छन् र उनले ‘ठूलो लडाइँ नलडी होलाजस्तो छैन’ भनेका छन् ।
Kumar ningden
११ प्रदेशको कुरो !
तीनदलीय कार्यदलका सदस्य लिङदेनले १० जोड १ गरी ११ प्रान्तको माग अघि सारेका छन् । संविधानले सात प्रदेशको सुनिश्चितता गरेको अहिलेको स्थितिमा गठन भएको यो कार्यदलले सात प्रदेशको सीमाना हेरफेरमात्रै गर्ने हो या प्रदेशको संख्यालाई थपेर १० वा ११ बनाउने हो ? यस विषयमा अझैसम्म स्पष्ट भएको छ ।
तर, के चाँहि स्पष्ट छ भने तीन दलीय कार्यदलले मात्रै सहमति गरेर संविधान संशोधन हुन सक्दैन । बरु अहिलेकै ७ प्रदेशको सीमांकनलाई थोरै फेरबदलसम्म हुन सक्छ, तर यसका लागि नेकपा एमालेको पनि सहमति आवश्यक हुन्छ ।
यसैवीच आन्दोलनरत मधेसी दलहरुसँग सहमतिको सूत्र खोज्नका लागि गठन भएको कार्यदलको बैठक सोमबार पनि बस्दैछ । बुधबार माओवादी अध्यक्ष प्रचण्ड प्रधानमन्त्रीमा निर्वाचित हुने लगभग पक्का भएकाले मंगलबारसम्म कार्यदलले आफ्नो काम सक्ने र तीन दलवीच लिखित समझदारी गर्ने तयारी दलहरुले गरेका छन् ।
Labels:

Post a Comment

birano-maya-screennepal

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget