मरे पछि पदक

काठमाडौँ, फाल्गुन १८ गते  । मन्त्रिपरिषद्को आज बसेको बैठकले फागुन १४ गते कालिकोटमा जहाज दुर्घटनामा यात्रुलाई बचाइ आफू मरेका दुई पाइलटलाई वीरता पदक दिने निर्णय गरेको छ ।



नेपालगन्जबाट जुम्लाका लागि उडेको एयर काष्ठमण्डपको विमान कालीकोटको पाडमघाट क्षेत्रमा दुर्घटना हुँदा निधन भएका पाइलट दिनेश न्यौपाने र को पाइलट सन्तोष रानालाई सरकारले वीरता पदक दिने निर्णय गरेको हो ।

’आफू मरेर पनि यात्रुलाई बचाउने बलिदानीपूर्ण तथा साहसिक कार्य गरेकाले मरणोपरान्त वीरता पदक दिने निर्णय गरिएको हो’, बैठकपछि सञ्चारमन्त्री शेरधन राईले भने ।