चैत ५ गते । तीन दशक अगाडि साउदी राजकुमारको बहुमूल्य हिरा चोर्ने चोर भिक्षु बनेका छन् । राजकुमारको हिरा चोरेका क्रियाङक्राइ टेकामोंगले आफूले गरेको नराम्रो काम गरेकाले प्रायश्चितको ।लागि भिक्षु बनेको बताएका छन् । सन् १९८९ मा साउदी अरबको एक महलमा माली बनेर काम गरेका टेकामोंगले धेरै गरगहनासहित ५० क्यारेटको निलो हीरा पनि चोरेका थिए ।
उनलाई प्रहरीले पक्राउ गरेर सबै गरगहना बरामत गरेपनि निलो हिरा भने फेला परेको थिएन । टेकामोंग पुलिस हिरासतबाट पनि सजायको समय अगाडि नै निस्किएका थिए ।
एएफपीका अनुसार टेकामोंगले स्थानीय मिडियासँग चोरी गरेपछि आफ्नो घरमा धेरै समस्या परेको बताएका थिए । टेकामोंगले भने, ‘मलाई विश्वास छ की, मेरो जीवनमा भएको सबै नराम्रा घटनाहरु त्यहि निलो हीरा चोरेको श्राप लागेर हो । पापको प्रायश्चित गर्न लागेको भन्दै उनले भने, ‘बाँकी जीवन म भिक्षुको रुपमा नै बिताउन चाहन्छु ।’
Post a Comment