कोसी अञ्चलमा डिजेलको अभाव

बिराटनगर ,फाल्गुन २१ गते ।   कोसी अञ्चलका विभिन्न जिल्लामा डिजेलको अभाव कायमै रहेको छ । मागको अनुपातमा कम डिजेल आयात भएपछि अभाव भएको हो ।



भारतको बरैनी डिपोले पर्याप्त इन्धन नदिएकाले अभाव भएको बताइएको छ । यद्यपी यहाँ पेट्रोल भने सहज रुपमा पाइन थालेको छ ।

विषेशगरी सुनसरी र मोरङ जिल्लामाडिजेलको संकट चुलिएको छ । यी दुई जिल्लामा औद्योगिक क्षेत्रसमेत रहेकाले डिजेलको माग बढी छ । नेपाल आयल निगमको पूर्वाञ्चल क्षेत्रीय कार्यालय विराटनगरले बरैनी डिपोले पर्याप्त मात्रमा डिजल नदिएका कारण समस्या भएको जनाएको छ ।

निगमका पूर्वाञ्चल क्षेत्रीय प्रमुख भुवन रेग्मीले बरैनी डिपोले मागको तुलनामा एक तिहाईमात्र डिजेल दिँदै आएको बताए । बरैनीबाट अहिले दैनिक ३ सयदेखि चार सय किलोलिटर डिजेल आउने गरेको निगमले जनाएको छ । तर कोशी अञ्चलमा दैनिक ९ सयदेखि १ हजार किलोलिटर डिजेलको माग छ ।