एकतीस न्यायाधीशको सरुवा

काठमाडौँ, माघ २१ गते  । न्याय परिषद् बैठकको आजको सिफारिसमा प्रधानन्यायाधीश कल्याण श्रेष्ठले पुनरावेदन अदालतका तीन मुख्यसहित ३१ न्यायाधीशको सरुवा गर्नुभएको छ ।

यहाँ आज बसेको परिषद्को बैठकले पुनरावेदन अदालत दिपायलका मुख्य न्यायाधीश दीपककुमार कार्कीको पुनरावेदन अदालत बागलुङमा र सो अदालतका मुख्य न्यायाधीश केदारप्रसाद चालिसेको पुनरावेदन अदालत विराटनगरको मुख्य न्यायाधीशमा सरुवा भएको परिषद्का सचिव कृष्ण गिरीले जानकारी दिनुभयो । पुनरावेदन अदालत विराटनगरका मुख्य न्यायाधीश डा आनन्दमोहन भट्टराईको भने पुनरावेदन अदालत पाटनमा सरुवा भएको छ ।

पुनरावेदन अदालत पोखराका न्यायाधीश प्रकाशकुमार ढुङ्गानाको धनकुटा र बुटवलका न्यायाधीश टीकाबहादुर हमालको दिपायलमा सरुवा भएको छ । त्यस्तै पाटनका न्यायाधीश कुमार चुडाल तुलसीपुर, विराटनगरका उदयप्रकाश चापागाईं पाटन, पोखराका सुष्मालता माथेमा पाटन र हेटाँैडाका कुमारप्रसाद पोखरेल विराटनगरमा सरुवा हुनुभएको छ ।

त्यसैगरी पुनरावेदन अदालत इलामका न्यायाधीश रमेश पोखरेल हेटौँडा तथा पाटनका शिवनारायण यादव इलाममा र दुर्गादत्त भट्ट पोखरामा सरुवा हुनुभएको छ ।

पुनरावदेन अदालत हेटाँैडाका न्यायाधीश डिल्लीराज आचार्य पाटन र पाटनकासलाउद्दिन अख्तर सिद्धिकी हेटाँैडा सरुवा हुनुभएको छ । त्यसैगरी पुनरावेदन अदालत पाटनका न्यायाधीश रेवन्तबहादुर कुँवर हेटौँडा, विराटनगरका किशोर सिलवाल पाटन र बुटवलका रामचन्द्र यादव जनकपुरमा सरुवा हुनुभएको छ ।

पुनरावेदन अदालत पाटनका न्यायाधीश पुष्पराज कोइराला विराटनगर, धनकुटाका जीवनहरि अधिकारी पाटन र बुटवलका प्रेमराज कार्की पाटनमा सरुवा हुनुभएको बताइएको छ ।

पुनरावेदन अदालत धनकुटाका न्यायाधीश चित्रदेव जोशी दिपायल, पाटनका हेमराज पन्त बुटवल र जनकपुरका गुणराज ढुङ्गेल सुर्खेतमा सरुवा हुनुभयो । पुनरावेदन अदालत जनकपुरका मेघनाथ भट्टराई धनकुटामा, विराटनगरका वीरेन्द्रकुमार कर्ण भीमदत्तनगरमा र भीमदत्तनगरका हरिप्रसाद बगाले पोखरामा सरुवा भएको छ ।

त्यस्तै पुनरावेदन अदालत हेटाँैडाका न्यायाधीश युवराज सुवेदी पुनरावेदन अदालत पाटनमा, सुर्खेतका रमेशप्रसाद राजभण्डारी बुटवलमा, बुटवलका अब्दुल अजिज मसलमान पाटनमा र जनकपुरका हरिप्रसाद भण्डारी बुटवलमा सरुवा हुनुभएको छ । रासस