१३० बर्षपछि मुर्तीको टाउको फिर्ता गरियो

, एजेन्सी ।

शताब्दीऔं पुरानो हिन्दु मुर्तिको शिर १ सय ३० बर्ष पछि फिर्ता पाएपछि कम्बोडियामा खुशी छाएको छ । फ्रान्सेली उपनिवेशका समयमा लगिएको सो  ऐतिहासिक हिन्दु मुर्तिको शिर  फ्रान्सले फिर्ता गरेपछि कम्बोडियाली खुशी भएका हुन् ।

फ्रान्सले मुर्तिको शिर फिर्ता पठाएपछि  शरिर मात्र भएको मुर्तिमा शिर जोडिएको छ । कम्बोडियाको संस्कृति मन्त्रालयका प्रवक्ताले सो हिन्दु मुर्तिको शिर आफ्नो देशमा ल्याएर पुर्ण कदको शिर बनाउँदा राष्ट्रिय सम्पदामा आत्मा जोडिएको भान हुने बताउनुभयो । कम्बोडियाका उपप्रधानमन्त्री सोक यानले पुर्नमिलन हुनु भनेको समृद्धिको संकेत भएको बताउनुभयो ।

कम्बोडियाको आग्रहमा शताब्दिऔं पुरानो मुर्ति फ्रान्सले फिर्ता दिएको हो । हिन्दु धर्मसंग सम्बन्धित देवता विष्णु, शिवको प्रतिमाका रुपमा सो मुर्तिलाई लिइएको छ ।

यसअघि, सो मुर्तिको शिर फ्रान्सले लानु अघि कम्बोडियाको दक्षिणी टेको प्रान्त स्थित फेनोम दा मन्दिरमा पुर्ण कदको मुर्ति रहेको थियो । पछिल्लो समय विभिन्न देशले लगेका  आफ्ना पुरात्तात्विक वस्तु कम्बोडियाले फिर्ता गराउदै आएको छ । विगत तीन बर्षमा मात्र अमेरिकी संग्रालय र नर्वे बाट  विभिन्न आफ्ना मुर्तिहरु कम्बोडियाले फिर्ता लिएको छ ।