महिला हिंसा विरुद्धको अभियान परिवारवाटै शुरु गर्न जोड

कुमोद अधिकारी
विराटनगर, ९ मंसिर । महिला हिंसा विरुद्धको अभियान परिवारवाटै शुरु गर्न सके अभियान सार्थक र प्रभावकारी हुने विराटनगरमा आज आयोजित एक कार्यक्रमका वक्ताहरुले जोड दिएका छन ।लैगिंक हिंसा विरुद्धको अन्तराष्ट्रिय १६ दिने अभियान अन्तर्गत विराटनगरमा आज आयोजित अन्र्तरसम्वाद कार्यक्रममा वक्ताहरुले घरपरिवारमा हुने हिंसालाइ अनत्यगर्न महिला र पुरुष उतिकै जिम्मेवार हुनुपर्ने बताउनुभयो ।कार्यक्रममा वोल्दै जिल्ला प्रहरी कार्यालय मोरंङका एसपी तारणी प्रसाद लम्सालले, गत साउन महिनादेखी कार्तिक मसान्त सम्म मोरंङ जिल्लामा ४७ जनाले आत्महत्या गरेकोमा त्यसमध्ये ४१ जना महिला रहेको बताउनु भयो ।
उहाले मोरंगमा सो अवधिमा ४७ वटा महिला हिंसाको घटना प्रहरीमा दर्ज भएको समेत जानकारी दिनुभयो । मोरंगका सहायक प्रमुख जिल्ला अधिकारी एकदेव अधिकारीले महिला हिंसा अन्तका लागी सामुहिक प्रयास आवश्यक रहेको बताउनुभयो ।
कार्यक्रममा महिला विकास अधिकृत महेश्वरी महेश्वरी विष्ठ, राष्ट्रिय मानव अधिकार आयोग क्षेत्रिय कार्यालयका प्रमुख कोषराज न्यौपाने लगायतका वक्ताहरुले महिला हिंसा विरुद्धको १६ दिने अभियानलाइ प्रभावकारी बनाउन स्थानिय स्तरमा कार्यक्रम तथा छलफल र सचेतना मुलुक कार्यक्रम संचालन गर्नुपर्नेमा जोड दिनुभयो ।