काठमाडौं, भदौ ३० । संविधानसभाको बैठकमा संविधानको परिमार्जित विधेयकमाथि बुधबार पनि दफावार मतदान जारी छ ।
असोज ३ गते नयाँ संविधान घोषणा गर्ने गरी संविधानको धाराहरु धमाधम पारित गरिएका हुन् । असोज ३ गते संविधान जारी गर्न संविधान सभाले सर्वसम्मतिले प्रस्ताव नै पारित गरेको छ ।
संविधान जारी गर्ने दिन संविधानसभामा उपस्थित भई संविधान घोषणा गरिदिन राष्ट्रपति डा. रामवरण यादवलाई मंगलबार सभाध्यक्ष सुवास नेम्वाङ र प्रधानमन्त्री सुशील कोइरालाले आमन्त्रण गरिसकेका छन् ।
संविधान विधेयकका ३०२ मध्ये मंगलबारसम्म १ सय ७६ वटा धारा पारित भइसकेको छ । बाँकी धारा सकेसम्म बुधबार नै पारित गरिसक्ने तयारी संविधानसभा सचिवालयको छ ।
Post a Comment