धुन्चे (रसुवा), २२ भदौ । भूकम्पपछि विस्थापित लाङ्टाङवासी आफ्नो थातथलोमा फर्कन थालेका छन् ।
समाजसेवी ढिण्डुप तामाङका अनुसार पैदलमार्ग भत्केका कारण हवाई मार्गबाट क्यान्जेन जान विस्थापित ६० जना स्थानीय अहिले साँझ धुन्चे आइपुगेका हुन् ।
मङ्गलबार हेलिकोप्टरबाट क्यान्जेन पुग्ने स्थानीयबासिन्दाले पूर्वाधारको कार्यमा केन्द्रित रहने भएकाले विस्थापितको हितमा सबै सरकारी एवम् गैरसरकारी निकाय लाङटाङ केन्द्रित भइदिन आग्रह गरिएको बताइएको छ ।
वैशाख १२ को ‘गोरखा भूकम्प’ ले लाङटाङको उच्च भाग फुटेर हिउँ पहिरो चल्न थालेपछि ११६ घरका ४९६ जना विस्थापित बासिन्दा काठमाडौँको ‘पहेँलो गुम्बा’मा शरण लिइबसेको र दाताहरुको सहयोगबाट पूर्वाधार निर्माण भएपछि सबै विस्थापितलाई आफ्नो थातथलोमा पु¥याइने समाजसेवी तामाङले बताउनुभयो ।
Post a Comment