मोरङ , साउन ३१ गते । मोरङको बिराटनगरबाट आज दिउँसो प्रहरी भ्यानमा ढुङा हान्ने दुई र टंकिसिनुवारीमा यातायात बन्द गराउदै हिड्ने एकसहित तीनजनालाई प्रहरीले पक्राउ गरेको छ ।
पक्राउ पर्नेमा संघिय समाजवादी फोरम नेपालका अजय कु. मिश्र, भातीगंज २ मोरङका शिव नारायण यादब र टंकिसिनुवारीका महेश यादव छन् । यादवलाई प्रहरीले आज बिहान जबरजस्ती यातायात बन्द गराउदै हिड्ने क्रममा टंकि गंगाचौकबाट पक्राउ गरेको हो भने अन्य दुईजनालाई बिराटनगर १४ स्थित बुधहाट चौकमा प्रहरीको ना. १ झ ८६२ नं.को गाडीमा ढुंगा हानी शिशा फुटाएको आरोपमा पक्राउ गरिएको हो । पक्राउ परेका तीनैजनालाई जिल्ला प्रहरी कार्यालय मोरङमा राखिएको छ ।
Post a Comment