१० वर्षीय निर्देशकले भने, ‘मेरो नि गर्लफ्रेण्ड छ’ !

ललितपुर, ९ साउन । बिश्वकै कान्छा चलचित्र निर्देशक १० वर्षीया सौगात बिष्टले आफ्नो प्रेमिका भएको बताएर चकित बनाएका छन् । एक प्रशंगमा सौगातले भने, ‘म असाध्यै स्मार्ट छु, त्यसैले मेरो गर्लफ्रेण्ड नहुने त कुरै भएन् ।’ सौगातले ९ वर्षकै उमेरमा चलचित्र ‘लभ यू बाबा’ निर्देशन गरेर कान्छा निर्देशकका रुपमा गिनिज बुकमा नाम लेखाएका थिए । यिनै कान्छा निर्देशकले आइतबार ललितपुरस्थित सुदेशा स्कूलको एसएलसी उत्तिर्ण बिद्यार्थीको बिदाई समारोहमा आफ्नो प्रमिका भएको खुलासा गरेका हुन् ।

स्कूलद्वारा आयोजित बिदाई समारोहमा बरिष्ठ शिक्षाविद् जश निरौलाले कान्छा निर्देशक सौगात बिष्ट, लोकप्रिय अभिनेता सुरवीर पण्डित र नायक गजित बिष्टलाई सम्मानित गरेका थिए । सञ्चारकर्मीसमेत रहेका बिद्यालयका प्रधानाध्यापक मधु लोहनीका अनुसार बिद्यालयले गुणस्तरीय औपचारिक शिक्षाका साथै बिभिन्न अतिरिक्त कृयाकलापमा समेत बिषेश जोड दिँदै आएको छ ।