सगरमाथा फाइनान्सको शाखा ओखलढुंगामा विस्तार

रेणु पराजुली ओखलढुंगा माघ,२१–


सगरमाथा फाइनान्स लिमिटेडले ओखलढुंगामा आफ्नो सेवा बिस्तार गरेको छ । ललितपुरको मानभवनमा केन्द्रिय कार्यालय रहेको संस्थाले दशौ शाखाका रुपमा ओखलढुंगाबाट आफ्नो सेवा बिस्तार गरेको हो । तीन महिनाअघिदेखि सञ्चालनमा रहेको संस्था आज औपचारिक रुपमा उद्घाटन गरिएको छ । यसअघि ललितपुर जिल्लाको गाःवहाल, झापाको विर्तामोड र दमक, सुनसरीको धरान र इटहरी, मोरङको बिराटनगर, सोलुखुम्बुको सल्लेरी , भोजपुर र खोटागंमा शाखा सञ्चालनमा ल्याइसकेको छ ।
२०६२ साल भादौ १३ गते ललितपुरको मानभवन केन्द्रिय कार्यालयबाट कारोबार सुरु गरेको संस्थाले कारोबारको पहिलो वर्षबाट नै मुनाफा कमाएको जनाइएको छ । संस्थाको हाल निक्षेप करिब दुई अर्ब ९० करोड र कर्जा लगानी दुई अर्ब २० करोड रहेको अध्यक्ष मदन राईले जानकारी दिनुभयो ।।