बागलुङ, २४ पुस । अपाङ्ता भएका विद्यार्थी र एक व्यवसायीलाई बागलुङमा पुरस्कार एवम् सम्मान प्रदान गरिएको छ ।
प्रवीण खड्का स्मृति कोष, बागलुङले कोषको आठौँ सम्मान तथा पुरस्कार वितरण समारोहमा बिहीबार चार अपाङ्गता भएका विद्यार्थी र एक फर्निचर व्यवसायीलाई सम्मान गरेको हो । जिल्लाको तित्याङ गाविसका व्यवसायी दृष्टिविहीन प्रेमबहादुर खत्रीलाई नगद रु तीन हजारसहित सम्मानपत्र प्रदान गरिएको हो ।
यस्तै पुरस्कृत हुनेमा बौद्धिक अपाङ्गतातर्फ बागलुङ विशेष बालकक्षाका दीपक सुनार, शारीरिक अपाङ्तातर्फ कालिका कन्यामन्दिर माविका लक्ष्मी सार्की, बहिरा विद्यार्थी धवलागिरि आवासीय माविका बिपना जिसी र दृष्टिविहीनतर्फ जनता धन उच्चमाविका दीपक अधिकारी रहेका छन् ।
पुरस्कृत सबै विद्यार्थीलाई नगद रु तीन हजारसहित प्रशंसापत्र प्रदान गरिएको कोषका अध्यक्ष काजी रोशनले बताउनुभयो । कोषले बर्सेनि फरक क्षमता भएका विद्यार्थीलाई पुरस्कार र एक प्रेरक व्यक्तित्वलाई सम्मान प्रदान गर्दै आएको छ ।
कार्यक्रमका प्रमुख अतिथि वरिष्ठ अधिवक्ता पद्यनाथ शर्माले पुरस्कार तथा सम्मान प्रदान गर्दै समाजमा रहेका प्रतिभावान् विद्यार्थीलाई पुरस्कारबाट हौसला र प्रेरणा मिलेको उल्लेख गर्नुभयो ।
बागलुङ बजार निवासी स्वर्गीय प्रवीण खड्काको स्मृतिमा आमा धर्मकुमारी खड्का र भाइ नवीन खड्काले विसं २०६४ मा कोषको स्थापना गर्नुभएको हो ।
Post a Comment
Kamala Aryal liked this on Facebook.
Shylin Chettri liked this on Facebook.
Nawerokittysasie Felix liked this on Facebook.
लोकेन कट्वाल भोजपुरे liked this on Facebook.
Bharat Dahal liked this on Facebook.
Dallu Panauti Nepali liked this on Facebook.
Anuska Chhetry liked this on Facebook.
Ashik Kumar Bastola liked this on Facebook.
Balkrishna Bhandari liked this on Facebook.
Niroj Thapa Leo liked this on Facebook.
Prashant Jang Niroula liked this on Facebook.